又话今年系世界末日
20121221有惊无险俾我符碌过骨
几惊今年我无命做Rap Up
好彩仲有命Rap得睇吓今年又会Rap乜
免费电视牌照 政府就系唔俾
維基每個月180萬係咁俾
係咁俾 咁重皮 個牌係唔俾你
维基解密都解唔开 维基以後点维皮
一品花雕鸡 食完有片睇
最咀刁嘅老细 有片都唔肯放出嚟
志偉摑老細 老細告梁烈唯
老細咪呃鬼 有片睇我俾like冇片咪亂吠
一世流流长 总会爱上几个人渣
春娇与志明 爱上人渣创票房神话
低俗喜劇本年度港產片奇葩
港人愛爆粗我就愛爆炸糖DADA
刘公子着住Givenchy去打官司
佢话佢影相系影意念 唔系影body
咁點解一路影相一路非禮人小弟弟
有心定無意 的士陳謙謙先知
谦仔杨怡断正玩车震
解释籍口竟然系杨怡食云吞
明哥演唱会头顶阳具帽
脚踏红馆出柜认我系基佬
出柜何韵诗 佢系劳斯
咁边个系痴情司嘅莱斯
成龙大哥话要管制游行
我话要管先管制你五毛党脑残口吻
边个话靓仔有钱专一有美满婚姻
你睇下黎天王都要同Gaile离婚
李彩樺爆被逼提供另類服務
是但啦算數啦你嘅事無人想知道
师兄今年 情场事业两得意
恭喜脏话阿七上榜又追到祖儿
代毒男警告你好自為之
巨星咪再蝦我地嘅心悠BB
一班中女加两件人生教练
就系所謂嘅剩女愛作戰
系盛女爱作战定系盛女爱作贱
你估企45度角真係會搵到月老紅線
小欣姐主持嘅爆足一周
無料爆兼新聞仲要遲足一周得4集俾人兜（炒魷）
红遍全球有PSY OPPA 江南Style
听过不如听吓我嘅 RAPPA 艰难Style
亚视系最具娱乐性电视频道
王征系政总骑呢跳骑呢骑马舞
大陆台庆show 得一两成观众系度
唔上洗脑堂 你即炒就无得捞
跟住一齐shout 亚州 亚州
坦白讲只rap改到衰到无朋友
大家跟我一齐shout 亚州 亚州
亚州 收手 收手 亚州
赵世曾为爱女用5亿招婿
如果唔介意赵生不如考虑下马米
今年我人生第一個雜誌cover
我嘅緋聞係傳我同阿Tanya
我都想似K- Chek咁识吓 Shiga
人做Rapper我做Rapper我真系丢架
我都想似冬欣有好多好多钱
食好多好多好多好多好多软雪糕
我仲好想好想好想好想打俾你
请你同我呢个好古怪嘅叔叔跳part古怪舞
讲Fashion Rick Owen 梗系要搵柏豪
打碎玻璃杯柏豪15钟变大文豪
Lady GaGa又名呢啲飞加价
3万一张飞炒到天价贵过豪宅尺价
YY Show今年乐坛盛事
靓人靓衫靓歌个个乐坛VIP
細佬有幸係當中一份子
再次多謝wyman兄嘅衷心支持
陈七好哋哋香港华人第一中锋
戥佢心痛 为咗个窿 无咗份工
向西村上春树本一路向西
由网络红到大银幕 文字变立体
机机乐架飞机即将起飞
急急短讯机司LuLu帮佢起机
儿歌天后purple太离谱
工人床系马桶上面太唔人道
俾人聲討 佢自己分身上訴
自己撐自己 恭喜自己再推上報
龙心人网公然非礼仙乐都
成条video系度今铺你咋傻扮懵都甩唔到
高登仔话不知道陈伟霆是谁
秋生哥都话而我不知道罗志祥是谁
古明華憑蘇基證明自己演技
勇奪最佳男配角我衷心恭喜你
黑絲江美儀誘惑劉松仁激吻戲
點知市民大反應大叫重口味
今年娛樂圈好多人生龍女龍仔
恭喜 千嬅 慧琳 陸永 歐陽靖 同華仔
paul哥結束愛情長跑娶朱茵
赤裸相擁二人世界變三人行
霍啟剛郭晶晶11月11結婚
祝你地永結同心 唔使步你老父後塵
卓韻芝著皮草激嬲網民
素顏嘅佢仍然係我嘅女神
无知嘅林以诺牧师话同性恋系犯罪
恶魔化同性恋 佢系宗教纠察队
今年重組嘅shine經典係祖與占
當年我聽shine都只係半成年
農夫演唱會突然要取消
唔緊要 即刻變招 整個棟篤笑
應采兒係微博向小三公開警告
肯定以後無妖精敢行緊小春半步
羅慧娟抗癌鬥士Rest in peace
張達明祝你嘅病儘快成功醫治
我知杏兒你同Bosco分手好傷心
但你都唔使幫民建聯拉票咁無品
香港一人一票选港姐已经有
唉 唔知几时一人一票选特首
今屆奧運靚仔特別多
香港代表隊就係爭左我
刘翔一跨即仆缘尽奥运
昔日嘅芵雄今日惨变罪人
李慧诗伦奥嘅零的突破
证明屋邨长大努力一样有好成果
唔俾港人影相国际大牌 D&G
北京孔庆东教授话港人DOG
今年中港矛盾由呢两件事开始
一发不可收拾越嚟越大件事
蝗虫 内地炒家 自由行
商场地铁遍地黄金
内地人抢奶粉双非孕妇横行
上水变水货中心 香港市民百上加斤
內地司機駕駛態度差
我明白香港基层民不聊生
但歧视唔应该系香港发生
始终蝗虫只占内地人一小部份
记住中国人永远不打中国人
占领唔只系我同关楚耀一只歌
系一个摧毁权势运动需要你同我
香港由金融掌舵 為金錢歲月蹉跎
佔領中環 係希望撕破金錢枷鎖
学民黄之锋大战国民小先锋
12万身穿黑衫市民占领政总
全城反對被國民教育洗腦染紅
“撤科”之聲響徹整個金鐘
牛柳过百蚊斤时菜一斤十几蚊
大家乐烧鹅饭卖得贵过镛记吓死人
仲有港女话结婚人情要多过500蚊
你话打工仔份人工边够养屋企人
未畢業排公屋廿幾歲住劏房
樓價有升無降 80後置業無望
一身嘅債項 換唔到一間睡房
係香港要安居樂業簡直係奢望
上一代辛勞半生為下一代留家産
結果往往兄弟見錢開眼骨肉相殘
镛记争产 郭家争产
我估佢哋阿爸知道肯定死咗都激番生
所以李超人 醒目众目睽睽分身家
唔怕两兄弟以后为争产有官司打
今年籃球界有句名言
就係平生不識Jermey Lin縱識Jolin也枉然
A&F 嚟咗100个大只仔
其实唔明点解 唔请出名大只嘅马米
香港要發達梗係靠炒
大家一齊炒中銀百年紀念鈔
反对网络廿三条我哋愤怒了
连网上言论自由都禁止发表
缉毒犬Honey被遗弃差啲瞓棺材
校方一句合约完结就置身事外
好彩honey最後都搵到新主人愛
呢間學校學毓民話齋真係不該
香港胶灾中石化胶粒意外跌落海
香港D膠官話膠粒無毒對人體無害
所以唔公開 仲想將時間掩蓋
好彩市民自发团结起来清理胶灾
以前食毒品啪針先會死人
以家美容都會死人真係奇聞
DR医学美容毒针照样毒死人
杜sir下部戏唔拍夺命金不如拍夺命针
10年一遇嘅十號風球
李氏力場今次終於都唔系對手
南丫十一海难39人死惨绝人懁
国庆烟花嘅慛灿照亮唔到人间
七色彩虹旗同志大游行
為不同性取向爭取同一平等
獨立媒體遭人上門尋仇
你話香港仲邊有新聞自由
DBC因股东争执惨被封杀
大班话事实上政治打压
以家DBC延伸至D100
繼續監察政府批評不公平政策
李旺阳 坐21年政治监
一個訪問後被自殺嘅老弱病殘
香港政府官員個個冷眼無人平反
慨叹佢话砍头也不回头 结果一语成签
特首要龍定系要豬
東方之珠要贏龍豬就一定要輸
但系小圈子投票市民無得參與
結果邊個贏香港都後果堪虞
唐唐話男人要有膊頭有腰骨
感情缺失 課外活動被爆私生子秘密
消失的密室要老婆出面承擔過失
我話唐唐你有條消失的腰骨
梁振英你呃人你無品
你參選時講過僭建你無份
最後發現6處僭建你講到自己無責任
僭建封左就系唔存在個答案夠創新
人民力量拉布拉足10几日
王國興陪拉布日以繼夜夜以繼日
结果主席剪布宣布拉布完毕
但我想問主席個句返來就郁系郁乜
立法会选举建制派大胜
全靠佢哋配票绝顶精密准绳
泛民四分五裂嘅情形 加上葬送兩位政治明星
今屆選舉泛民賠了夫人又折兵
贪心许仕仁 贪心害市民
廉洁嘅形象统统呃人
我想问政府中仲有几多丑闻
最贪心嘅官员竟然系姓曾
贪心嘅贪曾 越贪越深
官商勾结贪心就系原因
俗语有云贪字結果得个贫
被踢爆嘅贪曾最后要喊住离任
麦齐光做局长12日被人拉咗
呃租金津贴都系贪心惹的祸
一子错 满盘皆落索自食其果
但下个局长陈茂波一样唔好得几多
陈茂波 绰号捱闹的波儿
经营劏房嘅醉驾局长最可耻
劏房局长一做错事学佢波士
出事系老婆公司事件事唔关自己事
林奋强又涉嫌偷步卖楼
衰咗又系搵佢老婆出头
究竟呢个政府系边个为首
點解所有人出事都系要太太认头
七年磨一剑 我终于推出专辑
流行反击战 唔听保证系你損失
记实2013年3月30
我哋7年嘅梦想呢曰变成现实
What's up~
- 专辑：12 HK Rap Up
- 歌手：MastaMic
- 歌曲：12 HK Rap Up