灣仔差館奇遇記
曲: 阿p+何山
詞: 阿p
編: 何山
十二月廿三號去見差人
佢地問嗰個柴可夫斯基有啲乜嘢人
我一路忍住笑一路聽佢哋繼續問
關於聖誕半裸派對會點進行
因為見到報紙登咗呢單新聞
寫我哋係搞半裸派對嘅網民
我哋逐步逐步解答佢哋嘅疑問
最後相信我哋係搞創作嘅人
然後佢話我哋個場地無攞到license
我話次次indie show都係咁進行
佢話今次唔同因為上咗新聞
警方有機會被插到遍體傷痕
所以強烈勸籲我哋返去諗諗
唔係就會觸犯第一百七十二章條文
最後嗰句覺得佢係有啲口痕
佢話唔好覺得俾緊壓力你兩個人
警察掃黃可接受手淫
微型音樂會卻是罪行
簡化報導傳媒有什麼責任
半裸派對就萬萬不能
警察卻有權全裸搜身
傳媒警方聯手讓音樂不能發生
- 专辑：你睇斜阳照住嗰对双飞燕
- 歌手：永远怀念塔可夫斯基
- 歌曲：湾仔差馆奇遇记
