沉醉喺罪惡 沉淪到最底
從前嘅夢想 如今已逐一摧毀
虛偽 嘅世界無法得到絲毫安慰
童真 大好人生 早已被我荒廢
封閉自己 將僅餘嘅天真收起
現實殘酷 容納唔到我嘅慈悲
唯有抽離 所有感情 面目漸變得猙獰
分清真偽敵我分明心情平靜
真正承認 大眾嘅指控
一切嘅嘲諷係作為成功嘅歌頌
命運嘅作弄 喺我生命中再起唔到任何嘅作用
因我已習慣每日每晚經歷同一個惡夢
每當我睜開雙眼 睇到嘅黑白相反
你認為繁華燦爛 但其實暗淡
太困難 我無辦法去明知故犯
歡欣嘅人群永遠無可能高攀 我注定孤單
曾經相信嘅道理如今只帶嚟傷痛
你用嚟逃避嘅藉口我似乎無資格享用
唯有堅強踏上戰場面對種種歪理圍攻
知道逃避只會走進 迷宮
離經叛道 之後嘅路任由我點樣走
盡情享受 安撫心靈嘅傷口
如今淨低只有 魔鬼作為朋友
其他世人只能夠為無謂嘅目標 奮鬥
我送上問候 祝佢有所成就
之後發現仍舊被壓迫再無法承受
盲目追求 擁有全部虛構 大好前途
但我一早睇到嘅一切價值顛倒
你詛咒我落地獄我話地獄先好
沉醉喺谷底唔再展翅 繼續行為荒誕
總好過裝扮成天使 戴上虛假光環
- 专辑：畸诗集
- 歌手：Kz
- 歌曲：第八首
