Bele Ysabiauz, pucele bien aprise,
ama Gerart et il li en tel guise.
C'ainc de folour par lui ne fu requise,
ainz l'ama de si bonne amour
que mieuz de li guarda s'ounour.
Ed joie atent Gerars.
"Amis Gerart, n'aiez ja couvoitise
de ce voloir dont ainc ne fui requise!
Puis que je ai seigneur qui m'aimme et prise,
nien doi estre de tal valour
que je ne doi penser folour."
Et joie atent Gerars.
"Amis Gerars, faites ma commandise:
Ralez vous ent, si feroiz grant franchise.
Morte m'avriez, s'od vous estoje prise.
Maiz metez vous tost u retour!
Je vous conmant au creatour."
Et joie atent Gerars.
"Dame, l'amour qu'alleurs avez assise
dëusse avoir par loiautè conquise;
mais pluz vous truis dure que pierre bise.
S'en ai au cuer si grant dolour
qu'a biau samblant souspir et plour."
Et joie atent Gerars.
"Dame, pour Dieu", fait Gerars sanz faintise,
"Aiez de moi pitié par vo franchise!
La vostre amour me destraint et atise,
et pour vous sui en tel errour
que nus ne puet estre en greignour."
Et joie atent Gerars.
Vestue fu la dame par cointise:
Mourt ert bele, graile et grasse et alise;
le vis avoit vermeill come cerise.
"Dame", dit il, "que trés bon jour
vous doint cil qui j'aim et atour!"
Et joise atent Gerars.
"Dame, pour Deu", fait Gerars sanz faintise,
"do'outremer ai pour vous la voie emprise."
La dame l'ot: mieus vousist estre ocise.
Si s'entrebaisent par doucour
qu'andui chëirent en l'erbour.
Er joie atent Gerars.
Ses maris voit la folour entreprise;
pour voir cuide, da dame morte gise
lés sind ami; tant se het es desprise
qu'il pert sa force et sa vigour
et muert de duel en tel errour.
Et joie atent Gerars.
De pasmoison lievent par tel devise
que il font faire au mort tout son service.
Lie deus remaint; Gerars par sainte eglise
a fait de sa dame s'oissour.
Ce tesmoignent li ancissour.
Or a joie Gerars.
- 专辑：A Chantar
- 歌手：Estampie
- 歌曲：Bele Ysabiauz
