彼年熱天的淡水線 最後一班的火車
我佮伊佇人潮之中 愈行愈相倚
十七八歲的心弦 彈出青春的少年
兩人毋捌憂愁的滋味 一切攏正拄仔開始
彼年熱天的滬尾街 令人難忘的相會
我佮伊去沙崙的路上 親像欲對海風飛
十七八歲的心事 唱出青澀的歌詞
兩人毋捌戀愛的滋味 一切攏正拄仔開始
故事發展真簡單 初戀欲有結果誠困難
雖然交往欲幾偌冬 分手矣嘛是就愛甘願
只是我 看著長長的淡水線
就會來想起 彼當時 鬥陣的日子 彼段渺茫的過去
只是我 看無遠遠的彼个人 就會來想起
即當時 伊咧創啥物 誰人咧陪伴伊
今年熱天的淡水線 終點站的尾班車
我佮伊早就結束了 各人的路家己行
即幾年來的心情 可能只有天知影
淺淺啖著人生的滋味 一切攏正拄仔開始
嗯 人生的滋味 一切攏正拄仔開始
【華語對譯】
那年夏天的淡水線，最後一班的火車，我和他在人潮之中，愈走愈靠近，十七八歲的心弦，彈出青春的少年，兩人不識憂愁的滋味，一切都才剛剛開始...
那年夏天的滬尾街，令人難忘的相會，我和他去沙崙的路上，就像要隨海風飛，十七八歲的心事，唱出青澀的歌詞，兩人不識戀愛的滋味，一切都才剛剛開始...
故事發展很簡單，初戀要有結果很困難，雖然交往了好幾年，分手啊也是要甘願。只是我，看到長長的淡水線，就會來想起，那當時，在一起的日子，那段渺茫的過去。只是我，看不到遠遠的那個人，就會來想起，這時候，他在做什麼？誰在陪伴他？...
今年夏天的淡水線，終點站的末班車，我和他早就結束了，各人的路自己走。這幾年來的心情，可能只有天知道，淺淺嘗到人生的滋味，一切都才剛剛開始。嗯...人生的滋味，一切都才剛剛開始。
- 专辑：一
- 歌手：王昭华
- 歌曲：彼年夏天的淡水线
